“Dawt hmangin na tak takin bei thin mah se thu dik a lo lang chhuak leh zel thin,” a ti. 

Congress party chungchang sawiin, 'Mi retheite kan VIP' titu an ni a, ‘Ching rawh u kan ti lo, chu vangin leisak kan ba lo’ titu an ni. 'Thlai thar leina Budget-ah a dah theih loh, kan thlai tharte lei turin permit a ngai' titu an ni. An sorkar laiin Mizoram pumah inkal pawhna kawng a chhe em em a, khati khawpa mipui harsatna kha hre duh lovin, kawng chhia ti tute chu Silchar pel lovah min chhuah a ni. 

"Zu an zuar a, zuin miten sorkarah chhiah tam tak an chhun luh laiin zu avanga harsatna tawkte tan an hun laiin Health Care Scheme-ah heng mite hian hmun an chang ve lo. Chhiah petute hi sorkar chuan a duat thin a, an kal dan ang kha chuan tute pawh sorkar se sum dinhmun a tha duh hle dawn a, mipui tan tih an nei tlem em a ni,” a ti.

ZPM party General Secretary chuan, “Compensation-a invulh vak vak a awm tawh lo va, central-a state leiba neih thur thur te, a ruka Mizoram House, Kolkata-a lo hralh te, a ruka Article 371G lo bawhchhiat hi em ni Nationalism an tih chu?" a ti bawk.